شاهد| ارحمنا يا رب .. أغنية فلسطينية عن دول التطبيع وطعنتها تحصد 140 ألف مشاهدة بأيام
رام الله- خليج 24 | حصدت أغنية فلسطينية تتحدث عما أصاب الفلسطينيين خلال العام المنصرم 2020 ، وكانت بعنوان ” اجت 2021 ارحمنا يا رب “.
وادى الأغنية الفنانان الفلسطينيان شادي البوريني ، وقاسم النجار ، وحصدت نحو 140 ألف مشاهدة خلال أيام فقط .
وتحدث بها الفنانان عن الأحداث التي أثرت على الفلسطينيين خلال العام 2020 ، أبرزها فيروس كورونا والتطبيع .
كما تطرقا إلى مهاجمة مشايخ دول خليجية للفلسطينيين ، وتغزلهم بدولة الاحتلال الإسرائيلي .
وفيما يلقي نص كلمات الأغنية :
مرت سنة ما تنوصف الفين وعشرين
رفعت دول هدت دول ، قلبت موازين
واحنا من قبل ومن بعد نبكي فلسطين
هذا القلب كله ألم إرحمنا يارب
ارحمنا يارب.
جانا مرض كل البشر فيه مشغولين
واحنا المرض عنا قبل الفين وعشرين
اللي سرق منا الارض من سنين وسنين
هو البلا وهو المرض ارحمنا يا رب
شعبي ياما وياما انظلم واتجرع الهم
وهي اجونا بصفقة قرن وبخطة الضم
هاي القدس مسرى النبي نفديها بالدم
كلهم عليها أتآمروا احميها يا رب.
يا ويلي من اخويا .. تاجر بحقي وباع
بعض العرب طلعو كذب..وخداع بخداع
كلو انعرف كلو انكشف .. وهي سقط القناع
باعونا في أبخس ثمن ارحمنا يارب
هالله هالله يا زمن ..شو امرك عجيب
شفنا العربي يغني خذني زيارة لتل ابيب
واحنا الي شعبنا غنى اضرب تل ابيب
هذا الزمن كله عجب
ارحمنا يارب
بعض المشايخ طلعنا فيهم مخدوعين
طلعو مشايخ فتاوي بس للسلاطين
صاروا يسبونا علن ما هم خجلاني
وبالصهيوني يتغزلو ارحمنا يا رب
اعلام العروبة انحرف بوصلته لوين
شفنا ع شاشاته طلع يحكي بنيامين
وصارت الدراما يا حسرة وبعض الفنانين
لا ضمير ولا مباديء ارحمنا يارب.
يا حيف ع كل من باع ل دم الشهيد
يا حيف على ال صارو ل امريكا عبيد
والشعب العربي يا حسرة شو طالع بالايد
مقموع وممنوع يحكي ارحمنا يارب
نرفع ادينا بالدعا يا ربي القدير
كبر الوجع بارض اليمن فيها شو بصير
وبيروت اللي ذاقت قهر لحظة التفجير
وسوريا يا وجع القلب ارحمها يا رب
اللاجيء من أرضه نزح ما ظل الو دار
وال يستقبله اجنبي ما ظل اخو وجار
يا حسرة تشكي من الضعف امة المليار
شو هالظلم شو هالقهر ارحمنا يارب
اشتقنا والله يا يافا ويا حيفا الهدار
اشتقنا لدار سيدي زيها ما في دار
حق العودة ما رح ننسى مهما جرى وصار
ولا بد نعاود ع الوطن افرجها يا رب
لا بد ما يعود الوطن لو طالو السنين
نرجع ع حيفا والقدس ترجع فلسطين
كل ال طمعو بهالارض صارو منسيٌن
لا بد ما تشرق شمس انصرنا يارب.
الرابط المختصر https://gulfnews24.net/?p=8747